اخر الأخبار

نمبر وان الحقيقي


النمبر وان الحقيقي هم زمن الفن الجميل






 

نمبر وان تعالوا افكركم باهل الفن ناس رحلوا لكن جوانا وناس ويانا بنفس الظن يوسف وهبي وطليمات في الادب الغربي ليهم علامات وكان وياهم كشكش بيه مع الكسار ليهم حكايات وزكي رستم والمليجي ومعاهم الدقن كانوا خريجي مدرسة الخوف من ملامحهم تسبقها الضحكه قبل ماتيجي ووحش الشاشه كان اسمه فريد يطلع باشا او عربيد اوسواق في نص الليل وكمان شيال في باب الحديد ورشدي اباظه الدونچوان للوسامه كان عنوان لاعمره اتكلم يوم عن نفسه رغم انه كان فنان وعمرالشريف وفاتن حمامه ليهم تعريف و ألف علامه في نهر الحب غرقنا معاهم فن وعشق اخلاق ووسامه والسندريلا ويا حسين احلي طله من الاتنين وجمال نجلاء زغلل عيوننا وياما سحرتنا ميرڤت امين واحمد زكي ونور الشريف الابداع بدون تكليف ومحمود ياسين والهجان ده كلامي قليل مهما اضيف والكوميديا ليها زعيم الضحكه الهاديه سلام تعظيم وياما نجوم اداهم فرصه بألف حصه من التعليم ومحمد صبحي ضمير المسرح مدرس وسط الطلبه بيشرح علم ياما نجوم في الساحه شجرة فن بتعلي وتطرح وصلاح عبدالله عم الطيبه عمره ماشالله ماقال العيبه اخلاق وفن زمن جميل هل علينا بعد الغيبه ونجومنا السقا وياكريم فن وجرءه في التقديم ويسرا ومنه ودنيا سمير واحمد عز ونيللي كريم ودايما بفرح لما بلاقي فكرة مسرح عبدالباقي مسرح مصر هيبقي سعودي وبكره كويتي وبعده عراقي .

وابو ضحكة جنان ياما ضحكنا ولا عمره في يوم قال انا نمبر وان 

 

بقلم / محمود أبو السعود 


ليست هناك تعليقات